བྱ་ཚིག་གི་རྣམ་གཞག་ལག་ལེན་བཅུད་བསྡུས་ཆེན་མོ། ཕབ་ལེན།

བོད་ཀྱི་བརྡ་སྤྲོད་པའི་བསྟན་བཅོས་རྟགས་འཇུག་གི་བརྗོད་བྱ་སྙིང་པོ་བྱ་ཚིག་གི་རྣམ་གཞག་ཞིབ་ཅིང་རྒྱས་པར་བཤད་པ་ལག་ལེན་བཅུད་བསྡུས་ཆེན་མོ། ཕབ་ལེན་བྱེད་ཐུབ། 01 Content of Jatsik Kyi Namshak Laklen Choedue Chenmo 02 Body Page of Jatsik Namshak First Complete

གདང་ལ་རི་བོ་དུས་དེབ་འདོན་ཐེངས་བཞི།

ཕྱི་ལོ་ ༢༠༡༤ དང་ ༢༠༡༥ ལོར་འབོལ་རྩོམ་དུས་དེབ་གཉིས་དང་། ཕྱི་ལོ་ ༢༠༡༦ ལོར་སྙན་རྩོམ་དུས་དེབ། ཕྱི་ལོ་ ༢༠༡༧ ལོར་བཅར་འདྲིའི་དུས་དེབ་བཅས་ད་བར་གདང་ལ་རི་བོ་དུས་དེབ་འདོན་ཐེངས་བཞི་འགྲེམས་སྤེལ་ཞུས་ཡོད།

སྟོང་ཉིད་ལུང་བསྟན་དང་རྡོ་རྗེའི་བརྡ་རྟགས་བཞུགས་སོ།།

སྟོང་ཉིད་ལུང་བསྟན་དང་རྡོ་རྗེའི་བརྡ་རྟགས་བཞུགས་སོ།། འབྲོང་ངུར་ཆོས་རྗེ་བཅོ་ལྔ་པ་བསྟན་འཛིན་འགྲོ་འདུལ།

འབྲས་ལྗོངས་བསྐོར་བའི་ཟིན་ཐོ།

རྩོམ་པ་པོ། བཀྲ་ཤིས་དོན་གྲུབ། འབྲས་ལྗོངས་ནི་གུ་རུའི་སྦས་ཡུལ་རྩ་ཆེན་ཞིག་ཡིན། དེ་ཡང་གུ་རུ་སྲིན་ཡུལ་ལ་གཤེགས་ཁར་བོད་མི་རྣམས་ལ་ཤར་གནོད་སྦྱིན་གངས་ར། ལྷོ་བར་ཡུལ་གངས་ར། ནུབ་རྩིབས་རི་གངས་ར། བྱང་ལ་ཕྱི་གངས་ར་སྟེ་ཕྱོགས་བཞིའི་ཡུལ་ཆེན་བཞི་དང་མཚམས་བརྒྱད་ཀྱི་ཡུལ་ཕྲན་བརྒྱད་སོགས་ལུང་བསྟན་ཡོད་པ་ལས། འབྲས་ལྗོངས་ནི་ལྷོ་བར་ཡུལ་གངས་ར་ཞེས་པ་དེ་ཡིན་ཞིང་། སྦས་ཡུལ་ཐམས་ཅད་ཀྱི་རྒྱལ་པོར་བསྔགས་ཡོད། ལར་སྦས་ཡུལ་ཞེས་པ་ནི། ཆོས་ཕྱོགས་ནས་བཤད་ན་གུ་རུ་པདྨ་འབྱུང་གནས་ཀྱིས་བྱིན་གྱིས་བརླབས་ཤིང་། ལྷ་དང་མཁའ་འགྲོ་སོགས་དག་པའི་འགྲོ་བ་རྣམས་གནས་འཆའ་ས། སྐྱེས་བུ་ལས་ཅན་མ་གཏོགས་བགྲོད་མི་བཏུབ་པའི་ཡུལ་གཉན་པོ་དག་ལ་བཤད། ཐུན་མོང་སྣང་ཚུལ་གྱི་ངོས་ནས་བཤད་ན། གནའ་བོའི་དུས་སུ་བགྲོད་པར་དཀའ་བའི་གནས་ཏེ། ནགས་ཁྲོད་གངས་ཁྲོད་དང་རི་གཟར་ཆུ་ཆེན་གྱིས་མཐའ་བསྐོར་ཏེ་གནས་ཤིང་། ཕྱི་མི་རྣམས་ལ་རྒྱུས་ཆེན་པོ་མེད་པར་གསང་བའི་ཚུལ་དུ་ལུས་ཡོད་པའི་ཡུལ་བཙན་པོ་དག་ལ་ཟེར་བ་ཡིན། སློབ་དཔོན་ཆེན་པོ་རྒྱ་གར་ནས་བོད་ལ་ཕེབས་པའི་ལམ་ཞོར་ནས། རྫུ་འཕྲུལ་མེད་པའི་མིས་བགྲོད་ཐབས་མེད་པའི་ཡུལ་བཙན་པོ་དེ་དག་གཟིགས་ཡོད་ལ། ཡུལ་དེ་དག་ནི་མ་འོངས་བོད་ལ་དུས་འགྱུར་རབས་དང་རིམ་པ་བྱུང་སྐབས་བོད་མི་རྣམས་བྲོས་བྱོལ་གྱིས་འཚོ་སྡོད་བྱེད་སར་ཕན་ཐོགས་འབྱུང་ངེས་པ་མཁྱེན་ཡོད་པས། སྦས་ཡུལ་ལུང་དུ་བསྟན་པའི་གནས་ཡིག་གང་ལ་བལྟས་ཀྱང་དོན་དག་གཅིག་རང་བྱུང་བ་ནི། བོད་བཙན་པོའི་དུས་རབས་མཇུག་རྫོགས་རྗེས། སངས་རྒྱས་ཀྱི་བསྟན་པར་ཉམས་ཆག་བྱུང་བ་དང་གྲུབ་མཐའ་ཕན་ཚུན་བར་ནང་འཁྲུགས་ལང་ངེས་ལ། བོད་ཁམས་ཡོངས་རྫོགས་སིལ་བུར་ཐོར་རྗེས་གཅིག་འོག་ཏུ་གཅིག་མི་འདུ་བའི་དུས་འཆར་སྐབས། མཐའ་མིའི་དམག་དང་བཀྲ་མི་ཤིས་པ་སྣ་ཚོགས་འབྱུང་ངེས་ན། དེ་དུས་གནས་ཡིག་རྣམས་ལ་ལེགས་པར་བརྟགས་ཏེ། ལམ་སྣ་འབྱེད་ཐབས་སོགས་འཛོལ་བ་མེད་པར་ལུང་བསྟན་པ་ལྟར་བྱས་ནས་སྦས་ཡུལ་དག་ཏུ་བརྟོལ་བར་གདམས་ཡོད། སྦས་ཡུལ་ལུང་བསྟན་པའི་གནས་ཡིག་དག་ཏུ་ཆོས་ཕྱོགས་དང་འབྲེལ་བའི་དག་སྣང་གི་སྐད་ཆ་མང་པོ་བྱུང་ཡང་། གནད་ཀྱི་རྡོག་པོ་ནི་གོང་དུ་བཤད་པ་དེ་དག་རང་ཡིན། འབྲས་ལྗོངས་ནི་བོད་དབུས་གཙང་ཕྱོགས་ཀྱི་ལྷོ་ཁུལ་དུ་ཆགས། ཡུལ་འདིའི་ས་བབས་ནི་གནམ་ལ་ཟུག་པའི་རི་བོ་དང་། གཡག་རྩིད་ལྟར་འཛིངས་པའི་ནགས་ཚལ། ཤང་ཤང་དུ་བབས་པའི་ཆུ་མོ། མཆེ་བ་ལྟར་རྣོ་བའི་གངས་རི་སོགས་ཀྱི་མཐའ་ནས་སྐོར་ཞིང་དབུས་ནས་བརྒྱན། གྲོང་པ་དང་སྨུག་སྤྲིན་ལྷན་དུ་འདྲེས་ནས་ཡོད་ཅིང་། རྦབ་ཆུ་དང་སྣུམ་ལམ་སྐེད་པ་སྦྲེལ་ནས་ཡོད། ཡུལ་འདིར་བཏབ་ན་མི་སྐྱེ་བའི་འབྲུ་རིགས་ཤིག་མེད་ཚོད་ཡིན་ཡང་གཙོ་བོ་ཨ་ཤོམ་དང་འབྲས་གྲོ་ལས་གཞན། སྔོ་ཚལ་གྱི་རིགས་སྣ་ཚོགས་འདེབས་ལས་བྱེད་མོད། ཞིང་ཁ་ཡོད་ཚད་ཐེམ་ཞིང་ཡིན་པ་ལས་ཐང་ཞིང་ནི་མེད། སྤྱིར་ན་ཞིང་ཁའི་རྒྱ་ཁྱོན་ཡང་ཤིན་ཏུ་ཆུང་། གནས་ཡིག་ལྟར་ན་ཡུལ་གྱི་ལྟེ་བ་བྲག་དཀར་བཀྲ་ཤིས་ལྡིང་ལ་བྱེད་དགོས་ཤིང་། དེ་ནས་འབྲས་མོ་ལྗོངས་ཀྱི་ཡུལ་སྤྱི་བམ་ཙམ་མིག་འོག་ཏུ་ཆུད་པར་བཤད། བྲག་དཀར་བཀྲ་ཤིས་ལྡིང་ནི་ཡུལ་གྱི་ལྟེ་བ་ཙམ་ཡིན་པར་མ་ཟད། འབྲས་མོ་ལྗོངས་ཡོངས་ཀྱི་གནས་ཀྱི་རྒྱལ་པོ་ཡང་ཡིན། བཀྲ་ཤིས་ལྡིང་ནས་བརྩིས་པའི་ཕྱོགས་བཞི་ལ། ཤར་སྦས་ཕུག་དང་བྱང་ལྷ་རི་སྙིང་ཕུག་ནུབ་བདེ་ཆེན་ཕུག་ལྷོ་མཁའ་འགྲོ་གསང་ཕུག་བཅས་ཕུག་པ་རྩ་ཆེན་བཞི་བརྩི་རྒྱུ་ཡོད། གང་ལྟར་གནས་ཀྱི་རྒྱལ་པོ་ནི་བྲག་དཀར་བཀྲ་ཤིས་ལྡིང་ཡིན། གནས་འདིར་རྣལ་འབྱོར་པ་རྟོགས་ལྡན་རྣམས་འབྱོར་ཚེ་རྟོགས་པ་བོགས་ཐོན་པར་བཤད་ཅིང་། ཐ་མལ་པ་དད་པ་གཡོ་མེད་ཅན་ཡིན་ཡང་། རེ་ཞིག་རྣམ་རྟོག་འོག་རྒྱུའི་འདུ་བྱེད་དབྱིངས་སུ་ནུབ་ནས་དག་སྣང་ཕྱོགས་མེད་དུ་རྒྱས་རྒྱུ་ཡོད་ཟེར་ཡང་། …