གཅེར་བུ་པའི་སྙན་ངག་གསར་པ།
༢༠༢༤ མིག་སྣ་རྩེར་ཕབ་ནའང་ ནམ་མཁའ་སྔར་བཞིན་ཆེ རང་ལམ་མི་གསལ་བའི་ཉིན་མ་གསུམ་བརྒྱ་དྲུག་ཅུ ད་ལྟ་བརྩིས་ན་ལོ་གཅིག་ཟེར་བ་དེ་ཡིན་པ་འདྲ བརྩེ་འདང་གིས་མེ་ཏོག་བཏབ་རྗེས ང་རང་ལས་ང་རང་གཞན་ཞིག་སྐྱེས པར་ཞིག་བརྡབ་ནས་ཤོག་བུར་བཀྲུ་དུས རི་ལྗོངས་དང་གློ་བུར་བའི་སྣང་ཚུལ་མཐུག་ལ རང་སེམས་ནི་ཐག་རིང་ལ་ཤར་བའི་འཇའ་ཙམ་ཞིག་དོད མཚོན་ཐབས་བྲལ་བ་ནི་རླུང་བུ་བཞིན དགའ་སྐྱོ་མཐའ་དག་ཕྱིར་བསྡུ་ཐབས་མི་འདུག ལྡོག་འཕྲོ་ལྟ་བུ་སེམས་ཁོངས་ཀྱི་དེ་དག ད་ལྟ་རྫི་མའི་གོང་གི་བ་མོར་གྱུར སྐད་ཆ་མཐའ་དག་ཁ་རླངས་བཞིན་ཆས་དུས ཁྱེད་ཀྱིས་དུ་བ་དང་གཅིག་ཏུ་འཁྲུལ་སྲིད ཆུ་བོ་ཧ་ཅང་འཁྱག་ནའང་ དགུན་ཁ་ཞེས་པ་ནི་ལྟ་ཚུལ་གཞན་ཞིག་ཡིན་འདུག