གཟན་དཀར་ཐུབ་བསྟན་ཉི་མའི་སྙན་ངག་གསར་པ་ཞིག

རྩོམ་ཡིག་འདི་ཐེངས་ 146 བཀླགས་འདུག

ཁ་པར།

གཟན་དཀར་ཐུབ་བསྟན་ཉི་མས།

ཀ་བ་གདུང་བཞིའི་འོག་ན་ཁ་པར་རྩེ།།
ཁ་ཏོན་དགེ་སྦྱོར་བརྩོན་པས་ཁ་པར་རྩེ།།
ག་ས་གང་ན་ཁ་པར་ཁོ་ནར་གཡེང་།།
ཅ་རིལ་ལྟ་བུར་ཙོག་སྟེ་ཁ་པར་རྩེ།།
ཆ་ལུགས་འདྲ་མིན་བསྟན་ནས་ཁ་པར་རྩེ།།
ཇ་ཆང་ཞོར་ལ་ཁ་པར་འབའ་ཞིག་རྩེ།།
ཉ་མོ་ཆུ་ལ་ཞུགས་ལྟར་ཁ་པར་རྩེ།།
ཏ་ལེན་འཁུར་བའི་འབྲོག་པས་ཁ་པར་སྣོག།
ཐ་ན་རང་ལམ་འཆོལ་བའི་གྲུབ་རྟགས་སྟོན།།
ད་ལྟའི་འུ་ཅག་རིག་གནས་རི་ན་ལུས། །
ན་གཞོན་མང་བོས་བརྡ་འཕྲིན་འུར་བས་ཅི།།
པ་ཊུ་ཆེན་པོ་དག་གིས་ཁ་པར་རྩེ།།
ཕ་མ་བུ་ཕྲུག་རྣམས་ཀྱིས་ཁ་པར་རྩེ།།
བ་དང་བེའུ་འཚོ་བཞིན་ཁ་པར་རྩེ།།
མ་རབས་ཡ་རབས་གཉིས་ཀ་འདི་ལ་གཡེང་།།
ཙ་རིའི་གནས་སྐོར་བྱེད་བཞིན་ཁ་པར་སྣོག།
ཚ་གྲང་ནད་ཀྱིས་གདུང་བཞིན་ཁ་པར་སྣོག།
ཛ་ལང་སྤྱོད་པའི་ངན་གོམས་འདི་ལས་འགོ།
ལྦ་མ་ལྦོལ་ལ་མི་ཚེ་འདི་ཡིས་གཟད། །
ཞ་ར་གྱོལ་པོའི་ཚོགས་ཀྱང་མི་གཏོང་བར།།
ཟ་ཟིའི་སྣང་བ་འགྱུ་བའི་རྩེ་ར་ནས།།
འ་ཅག་ཁ་པར་བྲན་དུ་གྱུར་འདུག་གིས།།
ཡ་མཚན་འདི་ཀོ་སུ་ཡིས་བསྐྲུན་ཞེས་འབོད།།
ར་ལུག་འཚོ་བའི་ཞིང་འབྲོག་མང་ཚོགས་ནས།།།
ལ་ལུང་འགྲིམ་པའི་རྒད་པོ་རྒོད་པོ་དག།
ཤ་རུལ་སྦྲང་བུ་བཞིན་དུ་ཁ་པ ར་འདིས།།
ས་སྟེང་སེམས་ཅན་ངན་པའི་དྲི་ལ་བཀུག །
ཧ་ཅང་ཉག་མཁོ་ཆེ་ཡང་ཁ་པར་འདི།།
ཧ་ཅང་ཉག་མཁོ་ཆེ་ཡང་ཁ་པར་འདི།།
ཧ་ཅང་ཉེན་ཁ་ཆེ་བ་དུག་དང་འདྲ།།
ཨ་བུ་བདག་ཀྱང་དམ་པའི་རྗེས་འབྲངས་ནས།།
ཨ་ཀྱང་ཀུ་རེས་ཀ་རྩོམ་ཚིག་རྔ་བསྐྱངས།།