འཛུམ་གྱི་སྙན་ངག་གསར་པ་གཅིག

རྩོམ་ཡིག་འདི་ཐེངས་ 530 བཀླགས་འདུག

སྐུའི་ཡང་སྲིད་རིན་པོ་ཆེའི་འཁྲུངས་སྐར་ལ་ཕུལ་བ།

(སྐུའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།)
ཚང་ཚིང་གཡུ་ལོ་བཀྲ་བའི་ནགས་ཀླུང་ནས།།
ལུས་ཀྱི་རྩལ་དྲུག་རྫོཌ་པའི་དམར་ཡག་སྟག།
འཛུམ་དྲུག་ཐིག་ལེའི་རི་མོ་འོད་ལམ་ལམ།།
ཞུམ་མེད་ངར་སྐད་ཧར་ཧར་འབྱིན་བཞིན་དུ།།
ལྗང་མདོག་ནཌ་ཀྱི་བཙན་རྫོང་ཟིན་པར་གྱིས།།

ལྷུན་བརྗིད་གངས་རི་དཀར་པོའི་དབུ་རྩེ་ནས།།
རི་སྐྱེས་སྡེར་ཆགས་རྒྱལ་པོ་གདོང་ལྔའི་དབང་།།
རྔམ་སྟུག་གཡུ་ཡི་རལ་པ་འོད་ཉིལ་ཉིལ།།
འཇིཌ་མེད་གད་རྒྱང་ལྷང་ལྷང་སྒྲོག་བཞིན་དུ།།
རབ་དཀར་གངས་ཀྱི་ཕ་ས་ཟིན་པར་གྱིས།།

ཆར་སྤྲིན་གློག་དམར་འཁྱུག་པའི་བར་སྣང་ནས།།
འདབ་ལྡན་བྱ་ཁྱུང་རྒྱལ་པོ་ག་རུ་ཌ།།
འཇམ་མཉེན་རྣོ་མྱུར་གཤོག་པ་འོད་ལྷབ་ལྷབ།།
སྦྲུལ་ནག་ཀླད་པ་ཐར་ཐར་འགེམས་བཞིན་དུ།།
མཐའ་མེད་བྱ་ལམ་དཀར་པོ་ཟིན་པར་གྱིས།།

དཀར་དམར་ཆུ་འཛིན་གཡོ་བའི་ལྡིང་ཁང་ནས།།
འཇིཌ་རུང་ཐོག་རྒོད་འཕེན་པའི་ཕོ་ཁྱུང་འབྲུག།
ལག་གི་འདོད་འབྱུང་ནོར་བུ་འོད་ཆེམ་ཆེམ།།
གྲགས་སྙན་དབྱར་རྔ་འུར་འུར་ལྡིར་བཞིན་དུ།།
ཡངས་པའི་གནམ་གྱི་མཐོངས་རྒྱ་ཟིན་པར་གྱིས།།
30/ 12/ 2019