རྩོམ་སྐུལ་ཅོང་བརྡ།

རྩོམ་ཡིག་འདི་ཐེངས་ 497 བཀླགས་འདུག

རྩོམ་སྐུལ་ཅོང་བརྡ།
ཕ་སྐད་ཀྱི་ཚེ་བསྲིང་ཞིང་མ་ཡིག་གི་སྲོག་མཐུད་ལ་མཛུབ་མོ་རིང་བའི་སྨྱུག་འཛིན་པ་རྣམ་པ་ལགས།
བོད་ཆུ་ཕོ་སྟག་ལོའི་ལོ་གསར་མཇུག་དྲིལ་མ་ཐག་པར་ཁྱེད་ཅག་ལ་བཅོས་མིན་གྱི་འཚམས་འདྲི་དང་འབྲེལ། དགོངས་མངའ་བཞིན། ངེད་གདང་ལ་རི་བོ་དཔེ་ཚོགས་ཀྱིས་ལོ་ལྟར་རྩོམ་རིགས་འདྲ་མིན་ཐོག་རྩོམ་དེབ་འགྲེམས་སྤེལ་ཞུས་དང་ཞུ་མུས་ལ། ད་ལོའི་ཆར་ང་ཚོའི་ཐོག་མའི་དམིགས་ཡུལ་གྱི་ཆ་ཤས་བཞིན་རྩོམ་པ་པོ་དང་ཀློག་པ་པོ་གཉིས་འབྲེལ་འདྲིས་དང་བར་ཐག་ཉེ་རུ་གཏོང་བའི་ཆེད་དུ། དམིགས་བསལ་རྩོམ་པ་པོ་རྣམ་པའི་ངོ་སྤྲོད་ལོ་རྒྱུས་མདོར་བསྡུས་ཤིག་དང་། རང་གི་ཚབ་མཚོན་རྩོམ་ཡིག་རེ་རེའི་མིང་དང་ནང་དོན་ཉུང་བསྡུས་ཤིག་བསྡུ་རུབ་ཀྱིས། 2022ལོའི་གདང་ལ་རི་བོ་ནི་རྩོམ་པ་པོ་སུམ་ཅུ་ཐམ་པའི་ངོ་སྤྲོད་ལོ་རྒྱུས་ཀྱི་དུས་དེབ་ཅིག་གི་ངོ་བོར་འགྲེམས་སྤེལ་བྱ་འཆར་ལགས་ན། རྩོམ་པ་པོ་རང་གི་ངོ་སྤྲོད་ལྷན་དུ་སྐུ་པར་རེ་བསྐུར་རྒྱུ་གསལ་འདེབས་ཞུ་བ་དང་། སྔར་བཞིན་རྩོམ་ཡོན་སྟོང་མིན་ཙམ་རེའང་འབུལ་ཐུབ་པ་བྱ་ངེས་ལགས་ན། དེ་ལུགས་སུ་ཐུགས་སྣང་དང་དུས་ཐོག་ཏུ་མཉམ་ཞུགས་ཡོང་བའི་འབོད་སྐུལ་བཅས། མཇུག་མཐར། བོད་ཀྱི་སྐད་ཡིག་དང་རྩོམ་པ་པོ་རྒྱལ་ལོ།།

གདང་ལ་རི་བོ་རྩོམ་སྒྲིག་པས། ཕྱི་ལོ་ 2022 ཟླ་ 03 ཚེས་ 23 ཉིན།

ཐུགས་སྣང་།

* བརྗོད་བྱ། རང་ཉིད་ངོ་སྤྲོད་ལོ་རྒྱུས་དང་ཚབ་མཚོན་རྩོམ་ཡིག་ཅིག་གི་ནང་དོན་ཉུང་བསྡུས།
* མང་ཉུང་། ཤོག་གྲངས་གཉིས་ལས་མི་མང་བ།
* དུས་ཡུན། ཕྱི་ཟླ་དགུ་པའི་ཟླ་མཇུག་བར།

འབྲེལ་ལམ།
འབྲོང་ངུར་ཕོ་ཉ། WhatsApp 061470405216
ལམ་བཟང་པོ། WhatsApp +917807060995
འཛུམ། WhatsApp +917022410595
danglariwo@gmail.com